Igli Tare është zyrtarisht drejtori sportiv i Milanit me klubin italian që ka mirëpritur shqiptarin me anë të një postimi në rrjetet sociale.
Ky njoftim ishte paralajmëruar më parë, ndërsa vjen pas sezonit të dështuar nga Milani.
Furlani arriti akordin pas disa takimeve me ish-drejtorin e Lacios, që ishte ndër pretendentët kryesorë prej fillimit të negociatave për drejtor sportiv.
Kontratë 2-vjeçare me të drejtë rinovimi edhe për një sezon tjetër është marrëveshja e arritur mes palëve. Paga e tij është raportuar të variojë nga 800 mijë euro.
Interesant është fakti që ndodh për herë të parë në historinë e kuqezinjve, që drejtori sportiv të mos jetë nga Italia.
“Firma me një klub si Milani është një burim krenarie dhe përgjegjësie të madhe. Falënderoj klubin që më besoi këtë rol, ata e dinë vendosmërinë time të madhe dhe dëshirën time për të bërë mirë, duke e vënë të gjithë përvojën time në shërbim të një klubi të madh që ka objektivin absolut të rikthehet në protagonist në Itali dhe Evropë”. ishin fjalët e para të Igli Tares si drejtor sportiv i Milani.
Tare ndërkohë ka si mision kryesor të gjejë trajnerin e ri. Konseisao është me valixhe në duar, ndërsa përfliten disa opsione ku Vinçenzo Italiano i Bolonjës ishte dëshira kryesore.
AC Milan announces the appointment of Igli Tare as the First Team’s Sporting Director#SempreMilan
— AC Milan (@acmilan) May 26, 2025
