Baton Haxhiu foli për sfidat që kanë shtetet e vogla në përballjen me kartelet e drogës.
Ai theksoi se këto grupe kriminale janë të fuqishme dhe funksionojnë përtej kufijve shtetërorë, duke ndërtuar lidhje të forta me pushtetin.
Sipas Haxhiut, vetëm shtetet e mëdha dhe organizmat me përvojë mund t’i luftojnë me sukses, duke përmendur si shembull SHBA-në, e cila sipas tij ka një bazë në Sarandë për të parandaluar aktivitetet e këtyre grupeve.
“Krime të cilat kanë të bëjnë me vrasje dhe janë fizike, janë të lehtë të identifikohen, por kartelet e drogës e kanë një histori të bashkëveprimit të tyre, sepse në vendet e vogla, nuk kanë fuqi dhe instrumente për ti ndaluar, sepse funksionojnë jashtë perimetrit të një vendi të vogël, kjo është histori e të gjithë botës.
Këto krime ndalohen në shtetet e mëdha, perandoritë, që kanë përvojë të jashtëzakonshme. Këto janë organizmat e fortë ushtarakë që mbrohen përmes ushtrive të vogla të tyre. Shtetet e vogla shumë rrallë, ose nuk e fitojnë dot luftën me kartelet e drogës.
Kur këto bandat bëhen problem dhe vendet e tjera ndërtojnë rrjetin e tyre shtetëror për ti ndaluar. Edhe SHBA ka bazat në secilin shtet dhe e parandalojnë në origjinë. SHBA me sa di unë e ka bazën në Sarandë për të parandaluar këto grupe kriminale.
Cila është aftësia e këtyre grupeve? Është kontakti dhe ndërtimi i luajalitetit të pushtetit ndaj tyre. Që nga Lazarati dhe deri sot ka qenë infrastruktura e tyre që ka ndikuar sistemin shtetëror. Kur një vend i vogël nuk është i mjaftueshëm për të vepruar, ata ikin jashtë pastaj.”
