Tirana këtë qershor është pushim. Deri më 23 gusht 2025, bardheblutë do të jenë në përgatitjet për sezonin e ri, teksa në verë nuk do të marrin pjesë në Europë.
Për Tiranën kjo është mungesë e rëndësishme, pasi jo vetëm që nuk fiton para nga kompeticionet europiane, por, nga ana tjetër, nuk rrit as koeficientin në UEFA.
Në fakt, Tirana do të jetë pushim pas dy sezonesh, ndonëse në dy të fundit ka bërë mirë në Europë. Për të gjetur një sezon pa Europë, duhet të kthehemi në 2021- 2022.
Tirana e atij kampionati e humbi vendin europian në ndeshjen e fundit ndaj Laçit. Bardheblutë me këtë lëvizje humbasin të paktën 325 mijë euro, të cilat do të ishin në të mirë të klubit për sezonin e ri.
