Xhuliano Skuka mund të rikthehet në Superiore gjatë merkatos së verës. Partizani është një nga klubet që ka treguar interes për sulmuesin, por jo vetëm.
Sipas raportimeve të fundit, janë edhe dy klube të tjera nga kampionati shqiptar që duan Skukën në ekip.
Partizani duket i favorizuar për shkak të së shkuarës së Skukës aty, por për vetë lojtarin kampionati shqiptar është në plan të dytë.
Ai synon një skuadër në kampionatet e tjera europiane dhe nëse kjo nuk arrihet, atëherë mund të konsiderojë një rikthim në Shqipëri.
Aktualisht Skuka është pjesë e Poli Iasi në Rumani, me të cilët ka treguar paraqitje shumë të mira.
