Kanë mbetur vetëm tre qarqe, Elbasani, Gjirokastra dhe Vlora, sa i përket numërimit të votave preferenciale nga diaspora.
Kanë mbetur vetëm tre qarqe, Elbasani, Gjirokastra dhe Vlora, sa i përket numërimit të votave preferenciale nga diaspora. Në qarqet Elbasan dhe Gjirokastër nuk pritet përmbysje rezultatesh për kandidatët, ndërkohë që në Vlorë, ku diaspora i dha mandatin e 9-të PS-së, gara është mes Klevis Kaso dhe Vasil Llajo.
Nga të dhënat e deritanishme, Llajo ka një diferencë me 915 votash në favor të Llajos.
Ditën e djeshme u mbyll numërimi në Kukës, Shkodër, Dibër, Fier, Korçë, Lezhë e Tiranë. Diaspora konfirmoi në Kuvend Olta Xhaçkën, e cila kishte humbur në raport me Blerina Gjylametin sipas votave brenda vendit. Emigrantët ndikuan edhe listën e PD. Isuf Celaj fitoi mandat duke mundur Shkëlqim Shehun në Kukës.
Në Lezhë me 27 vota më shumë nga kandidatja Marjeta Neli, diaspora i siguroi vendin në parlament Admir Kadelit. Arriti të hyjë edhe kandidatja në qarkun e Fierit, Zegjine Çaushi.
