Policia e Shkodrës ka nisur hetimet për tre shtetas që po kryenin punime ndërtimi pa leje në fshatin Theth. Shtetasit Gj. P., 66 vjeç, M. L., 58 vjeç, dhe L. P., 65 vjeç, janë kapur në flagrancë dhe janë proceduar në gjendje të lirë.
Ndërkohë, një tjetër ngjarje ka ndodhur në fshatin Shtoj i Ri, ku një shtetas ka denoncuar vjedhjen e një shume parash dhe një arme gjahu që i ishin vjedhur nga banesa e tij.
Policia po punon për kapjen e autorëve.
Drejtoria Vendore e Policisë Shkodër:
Specialistët për Hetimin e Krimeve të Postës të Policisë Theth referuan materialet në Prokurori, ku nisi procedimi në gjendje të lirë për shtetasit Gj. P., 66 vjeç, M. L., 58 vjeç, të dy banues në Theth dhe shtetasen L. P., 65 vjeçe, banuese në Theth, pasi janë kapur duke kryer punime ndërtimi, pa leje.
-Më datë 16.05.2025, shtetasi P. S., 34 vjeç, ka kallëzuar se i kanë vjedhur një shumë parash dhe një armë gjahu që e kishte me leje në banesën e tij, në fshatin Shtoj i Ri, gjatë kohës që në banesë nuk ka pasur njeri. Punohet për identifikimin dhe kapjen e autorit/ve.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
–
Informacion paraprak/Rreth orës 05:50, në fshatin “Bërdice”, ka rënë zjarr në një varrezë automjetesh në pronësi të shtetasit L. P., 32 vjeç. Si pasojë janë djegur 3 automjete dhe një zyrë pune.
Shërbimet zjarrfikëse dhe policia ndodhen në vendngjarje ku po punojnë për zbardhjen e plotë të shkakut të rënies së zjarrit dhe për sqarimin e rrethanave të ngjarjes.
