Elbasani ka kohë që është duke menduar për afrimet dhe largimet. Tashmë është publike që lojtari i vetëm i larguar është Razak Abalora. “Gardiani” ka ndarë rrugët dhe tani nuk është më pjesë e skuadrës së Gvozdenoviçit.
Këto ditë janë shumë të rëndësishme për ekipin e Elbasanit sa i përket ndërtimit të skuadrës së edicionit të ardhshëm. Janë duke u menduar për ata që do të afrojnë në merkato, por njëkohësisht për lojtarët që do të largojnë. Në skuadër, mësohet se rrezikojnë më shumë ata që janë në skadencë kontrate, që duket shumë e vështirë për t’iu ofruar një rinovim edhe për sezonin e ardhshëm.
Bëhet fjalë pikërisht për pesë futbollistë që në qershor kthehen në lojtarë të lirë, si: Amarildo Gjoni, Edon Hasani, Orgest Gava, Esin Hakaj dhe Harallamb Qaqi, të cilët në fakt nuk kanë pasur edhe shumë minuta në dispozicion.
