Koalicioni “Nisma-Shqipëria Bëhet” rezulton forcë e tretë politike në vend deri më tani me 57.555 vota të fituara në rang kombëtar, përfshirë edhe votat nga Diaspora. Për shkak të ligjit elektoral në fuqi, këto vota janë konvertuar në vetëm një mandat.
Adriatik Lapaj ka reaguar në Facebook duke iu përgjigjur kritikëve për mandatin e tij të vetëm në Tiranë. Lapaj shprehet se është mandati më i votuar i historisë së tranzicionit shqiptar që nxjerr lakuriq sistemin elektoral në vend.
Lapaj shprehet më tej se ai mandat “do u fanepset aq shumë sa si grenxa në poturre do u bëj të mallkoni veten”.
“Nuk është 1 mandat jo, është mandati më i votuar i historisë së tranzicionit shqiptar që nxjerr lakuriq sistemin elektoral shqiptar. Ai mandat do u fanepset aq shumë sa si grenxa në poturre do u bëj të mallkoni veten.”– shkruan Lapaj.
