Vllaznia ka konfirmuar zyrtarisht largimin e Thomas Brdariç. Trajneri gjerman mbyll kështu bashkëpunimin që zgjati 1 vit me kuqeblutë, pas rikthimit në pankinë.
Vllaznia u mposht nga Egnatia në finalen e “Final Four”. Shkodranët pësuan disfatë me rezultatin 0-4 në stadiumin “Arena Kombëtare”.
Ky është largimi i dytë me peshë në stafin teknik te kuqeblutë pasi më herët gjatë ditës u largua drejtori sportiv, Tefik Osmani.
Kujtojmë që kontrata e Brdaric përfundonte në verë dhe duket që Vllaznia ka refuzuar bashkëpunimin për më tej.
Njoftimi i Vllaznisë:
“KF Vllaznia njofton mbylljen e bashkëpunimit me trajnerin Thomas Brdariç. Klubi e falenderon për kontributin e dhënë në krye të skuadrës tonë gjatë kësaj periudhe dhe i uron suksese në vazhdim të karrierës së tij”.
