Ish-deputeti i Partisë Demokratike, Dashnor Sula u shpreh PD duhet të ishte bërë bashkë me gjithë forcat opozitare për të marrë më shumë mandate.
Sa i takon çështjes së lënies jashtë kandidimin nën siglën e PD-së, Sula pohoi se i mbyllën derën dhe nuk mund të futej me zor.
“PD duhej të kishte bërë koalicion me të gjitha partitë e opozitës në mënyrë që të maksimalizonte votën. Nuk mund të punoja sepse më thanë se isha i pavlerë dhe nuk na duhesh më. Nuk më konsideruan as në listë të mbyllur dhe as në atë të hapur. Si është ajo shprehja, “nuk marr as gru me zor dhe as burrë me zor”. Unë jam te dera, ta mbyllin derën, nuk mund të hyj dot. Partia nuk më respektoi”, tha ai në Log.
