Policia e Lushnjës ka proceduar penalisht nënkryetarin e një subjekti politik në atë qytet për veprën penale “Kanosja apo dhunimi ndaj pjesmarrjes në zgjedhje”, teksa materialet i janë referuar SPAK-ut.
Bëhet fjalë për shtetasin S. P., 27 vjeç, banues në fshatin Bubullimë, i cili është denoncuar nga një i ri se e ka kanosur në rrjetet sociale për t’i dhënë votës.
“-Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi penal për shtetasin S. P., 27 vjeç, banues në fshatin Bubullimë, pasi ka kallëzuar shtetasi J. Ç., 28 vjeç, se shtetasi 27-vjeçari, nënkryetar i një subjekti politik në Lushnjë, e ka kanosur në platformën “Messenger”, për dhënien e votës. Materialet procedurale iu referuan SPAK, për veprime të mëtejshme, për veprën penale “Kanosja apo dhunimi ndaj pjesmarrjes në zgjedhje”.” – njofton Policia.
