Një tjetër ngjarje e rëndë tronditi vendin, pasi dy të rinj humbën jetën në vendin e punës në Gramsh.
Kjo ngjarje riktheu në vëmendje një nga problemet më shqetësuese të tregut të punës në Shqipëri, mungesa e standardeve të sigurisë në kantieret e ndërtimit, pasi vetëm një javë më parë, një tjetë i ri humbi jetën në Klosi, pasi e zuri posht një masiv dheu.
Ndërkohë janë bërë publike edhe pamjet nga vendngjarja ku ndodhi aksidenti në punë.
Dy të rinj humbën jetën në fshatin Holtë të Njësisë Administrative Poroçan në bashkinë e Gramshit , gjatë punës në një kantier ndërtimi të një hidrocentrali që po ndërtohet nga një kompani private.
Sipas të dhënave zyrtare nga policia, viktimat janë Abas Basha, 22 vjeç, dhe Egzon Lleshi, 32 vjeç.
U raportua se dyshohet se të rinjtë kanë humbur jetën si pasojë e rrëshqitjes së një masivi dheu, ndërsa ndodheshin në vendin e punës.
Tragjedia ka ndodhur rreth mesditës së kësaj fundjave dhe hetimet paraprake flasin për një aksident të rëndë, i cili mund të jetë pasojë e kushteve të papërshtatshme të sigurisë në punë.
