India ka nisur një sulm me rakete duke goditur nëntë vende në Pakistan dhe në Kashmirin e administruar nga Pakistani.
Ushtria pakistaneze thotë se India e sulmoi Pakistanin me raketa në tre vende dhe ndërsa ka bërë të ditur se Islamabadi do të kundërpërgjigjet.
Kryeministri i Pakistanit, Shehbaz Sharif, tha se vendi i tij ka të drejtë të japë një përgjigje të fuqishme ndaj “aktit të luftës” nga India.
Pas sulmit ushtria indiane tha, “Drejtësia është vënë në vend” në një postim në X.
Tensionet janë përshkallëzuar midis fqinjëve të armatosur me armë bërthamore që nga një sulm vdekjeprurës në Pahalgam të Kashmirit të administruar nga India më 22 prill, për të cilin India fajësoi Pakistanin. Lidhur me këtë ngjarje Pakistani ka mohuar çdo përfshirje.
