Leni Shuteriqi është një 82-vjeçare që vuan nga demenca progresive. Gjendja e saj është shfrytëzuar për të kaluar 7 pronat që zotëron në emrin e njërës prej vajzave, Marinelës, nëpërmjet noteres Anila Haxhiu, duke lënë jashtë trashëgimisë vajzën tjetër, Denisën. Kjo e fundit ka denoncuar rastin duke kërkuar që të zbardhet situata.
Për situatën e së moshuarës Leni Shuteriqi, emisioni “Stop” pyet neurologun Enver Halili se ku është bazuar që e ka cilësuar 82-vjeçaren të aftë mendërisht për të marrë vendime, në një kohë që testi specifik e ka nxjerr nën kufirin e normalitetit. Mjeku thotë se për këtë do të mbajë përgjegjësi në gjykatë.
Psikiatrja Ina Prifti pohon se ka dalë me vendimin se e moshuara është e aftë të marrë vendime pasi atë ditë i ishte dukur mirë. Vetë denoncuesja Denisa Shuteriqi shkon te noterja Anila Haxhiu, por ajo me të shoqin e nxjerrin zonjën jashtë me dhunë e thërrasin policinë, me pretendimin e fyerjes.
Qytetarja: Si jeni Anila?
Noterja Anila Haxhiu: Përshëndetje, mirë!
Qytetarja: Përshëndetje ty! Të erdha prapë.
Noterja Anila Haxhiu: Iliri, mund ta largosh pak këtë zonjën?
Bashkëshorti i noteres: Cilën?
Qytetarja: Cilën zonjë?
Bashkëshorti i noteres: Kush është kjo?
Noterja Anila Haxhiu: Nuk e di!
Qytetarja: Si nuk e di? Po ti ke kaluar 7 prona. A të thashë unë radhën e kaluar që nëna është me demencë?
Noterja Anila Haxhiu: Merr çikë policinë!
Qytetarja: Po për çfarë arsyeje?
Ish-bashkëshorti i noteres: Po ik moj tani, dil aty.
Qytetarja: Mos më prek të lutem!
Bashkëshorti i noteres: Ik jashtë, s’do të shërbejë ajo!
Qytetarja: Ka kaluar këtë, bashkë me motrën time. Nëna ime është me demencë. Zonja Anila të lutem, zonja Anila…! Mos më prek më me dorë, ore!
Qytetari: Çfarë bën ore?
Qytetarja: Mos më prek më me dorë, po të them!
Bashkëshorti i noteres: Ore, ik tani se nuk të shërbej, o nuk të shërbej po them, ore!
Qytetari: Po pse?
Qytetarja: Po do më shërbejë zonja, ore!
Bashkëshorti i noteres: S’dua! S’dua me, është privat, s’të shërbej! Ec, dil jashtë!
Qytetarja: Është detyrim ore.
Bashkëshorti i noteres: Kush të thotë ty?
Qytetarja: Kanë kaluar pronat… zonja Anila, zonja Anila, zonja notere, keni kaluar 7 pronat e nënës sime. Është me demencë. Të erdha edhe radhën e kaluar, me shenjë gishti zonja Anila. Zonja Anila, të lutem, ti më njeh mua, e njeh motrën time se kush është…!
Bashkëshorti i noteres: Dëgjo, do ta marrësh këtë?
Qytetarja: Mos më prek me dorë!
Bashkëshorti i noteres: Do ta marrësh një çikë këtë! Hajde dil jashtë…!
Qytetarja: Mos më prek me dorë ti, ore! Mos më prek me dorë ti, ore!
Bashkëshorti i noteres: Dëgjo ti, hajde po them dil jashtë!
Qytetarja: Mos më prek me dorë ore…!
Bashkëshorti i noteres: S’dua! S’më do tr**i!
Qytetarja: S’të do tr**i eee…?
Bashkëshorti i noteres: Eeee…
Noterja Anila Haxhiu: Policia, që fyeve.
Qytetarja: Çfarë bëra unë, moj?
Noterja Anila Haxhiu: Policia, alo…
Qytetarja: Çfarë bëra unë, moj?
Noterja Anila Haxhiu: Alo, jam noterja Anila Haxhiu, ju lutem, qytetarët po më kërcënojnë në zyrë. Noterja në Fier.
Qytetarja: Përfitoni nga një zonjë që është me demencë ore.
Bashkëshorti i noteres: Ik o ik!
Qytetarja: Po ti çfarë ke zotëri, më fal?! Ti s’e ke emrin zonja notere?
Bashkëshorti i noteres: Se punoj aty dhe po më shqetëson.
Noterja Anila Haxhiu: Pushose po vjen policia!
Qytetarja: Po punon?
Bashkëshorti i noteres: Epo punoj aty, kam halle e kam ardhur tek noteri.
Qytetarja: Çfarë i bëra zonjës unë?
Noterja Anila Haxhiu: Do ta them unë atë demencën që kam bërë unë!
Qytetarja: Urdhëro moj! E ka dhënë doktori, 7 prona.
Noterja Anila Haxhiu: Dale, do të shkojmë në polici, do të pushosh pak? Hajde se ta tregoj unë ty! Unë jam notere e shqetësuar nga këta. Mund të shkojmë pak në polici, të lutem!
Polici: Nga cilët?
Noterja Anila Haxhiu: Ja nga këto që janë.
Qytetarja: Po kërkoj thjesht të drejtën time. Nëna ime është me demencë.
Noterja Anila Haxhiu: Po zgjidhe me gjykatën, jo me mua moj!
Qytetarja: Po një pyetje bëmë, o zonjë!
Noterja Anila Haxhiu: Më ka fyer, të lutem!
Qytetarja: Fyer?
Noterja Anila Haxhiu: Më ka prishur imazhin tim, të tëra, do bëj një denoncim për këta të dy.
Qytetarja: S’e kam fyer, asnjë gjë, s’i kam bërë, asnjë gjë zonjës, kërkova vetëm thjesht…
Noterja Anila Haxhiu: Shko zgjidhe me gjykatën!
Qytetarja: Ka kaluar 7 prona zonja, dhe nëna ime është me demencë.
Noterja Anila Haxhiu: Po zgjidhet në polici.
Qytetarja: Dhe i ke kaluar me shenjë gishti, vetëm këtë po kërkoja. Për ç’arsye, kaq!
Polici: Problemin hajde zgjidheni në polici, atje!
Noterja Anila Haxhiu: Do e zgjidhim në polici, kallëzim direkt tani!
Në fund “Stop” takon vetë 82-vjeçaren, e cila duket që vuan nga demenca e ka dëmtime në gjykim e në kujtesë.
Mjeku specialist Pavllo Djamandi shpjegon se demenca është një sëmundje që prek trurin. Simptomat nisin me gjuhën e kujtesën dhe bëhen dy teste që përcaktojnë shkallën e dëmtimit.
/Emisioni “Stop”
