Gjykata e Korçës ka liruar nga qelia Alti Nallbatin pasi disa ditë më parë, së bashku me deputetin Bledion Nallbati, u përfshinë në një sherr me grushte në qytetin e Bilishtit. Për Alti Nallbatin, gjykata caktoi masën detyrim paraqitje.
Incidenti u regjistrua në Devoll ku deputeti demokrat Bledion Nallbati, dhe vëllai i tij, Alti Nallbati, i njohur me nofkën “Duçja”, janë përfshirë në një konflikt verbal me një shofer kamioni.
Ngjarja dyshohet se ka ndodhur për motive të dobëta dhe sipas burimeve pranë prokurorisë, në deklarimet e dhëna pas ngjarjes, dy vëllezërit kanë pohuar se shoferi i kamionit po udhëtonte me shpejtësi dhe ka rrezikuar t’i godiste nga pas.
