Tre avionë të skuadrës akrobatike të Forcave Ajrore Italiane, u përfshinë në një aksident ajror në ishullin Panteleria, pas një shfaqjeje fluturimi të mbajtur në Katani të Sicilisë.
Fatmirësisht, nuk raportohet për lëndime serioze, por sipas pamjeve të publikuara në rrjetet sociale, njëri prej avionëve duket se ka prekur dy të tjerë gjatë fluturimit në formacion, duke shkaktuar përplasjen.
Të tre pilotët arritën të ulin me sukses avionët e tyre. Dy prej avionëve pësuan dëmtime të rënda në pjesën e pasme, ndërsa i treti doli jashtë pistës duke pësuar dëmtime në hundë dhe në pjesën e poshtme të trupit të avionit.
Një nga pilotët është transportuar në spital me dyshime për frakturë në këmbë, ndërsa dy të tjerët nuk kanë pasur probleme serioze shëndetësore.
