Ish-trajneri i përkohshëm i Manchester United, Ralf Rangnick, tani trajner i kombëtares austriake, ka bërë një analizë shumë të sinqertë të situatës aktuale te “Djajtë e Kuq”, duke vënë në pikëpyetje të gjitha vendimet e marra, veçanërisht investimin prej një milion eurosh të bërë pas largimit të tij në vitin 2022, në një kohë kur shumë po e fajësonin.
Ja fjalët e tij për Canal+: “Kishte disa gjëra themelore që duheshin ndryshuar dhe që atëherë, ata kanë shpenzuar 700 ose 750 milionë paund për lojtarë të rinj. Dhe janë në një pozicion shumë më të keq në tabelën e ligës sesa ishin atëherë.
Madje mund ta shpëtojnë sezonin duke fituar vetëm Europa League, sepse do të jenë në Ligën e Kampionëve. Çdo gjë tjetër do të jetë një zhgënjim dhe do të jetë interesante të shohim se çfarë do të ndodhë.”
Ai shtoi: “Ata punësuan një trajner në gjysmën e sezonit, i cili luan me një mbrojtje me tre ose pesë lojtarë, por skuadra është ndërtuar rreth një mbrojtjeje me katër lojtarë. Kjo është ajo që e sheh në mënyrën se si ata luajnë, veçanërisht në Premier League, kundër ekipeve që Manchester United normalisht do të ishte në gjendje t’i mposhtte. Sigurisht, në Europa League, zakonisht me atë rezultat kundër Lyon eliminohesh, ata arritën t’i ndryshonin gjërat, por stadiumi ka pasur një ndikim të rëndësishëm“, pranoi ai.
