Një 35-vjeçar është arrestuar nga Policia e Kurbinit, pasi akuzohet se mbante armë zjarri pa leje në banesën e tij.
Në kuadër të operacionit policor të koduar “Informatori” pranga është vënë shtetasi Ermal Llozhi, banues në Mamurras.
Autoritetet raportojnë se bazuar në informacionet e siguruara, uniformat blu kanë ushtruar kontroll në banesën e 35-vjeçarit, ku gjatë kontrollit kanë gjetur dhe u sekuestruar në cilësinë e provës materiale një armë zjarri automatike, një krehër me fishekë dhe municion luftarak.
Policia thotë se arma e zjarrit do t’i nënshtrohet ekspertizës së mëtejshme në Institutin e Policisë Shkencore për të përcaktuar nëse është përdorur në ndonjë ngjarje kriminale të mëparshme.
Materialet procedurale i kanë kaluar Prokurorisë së Lezhës për veprime të mëtejshme, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
