Policia kufitare e portit të Durrësit ka arrestuar një person, i cili ka tentuar të futë në Shqipëri mallra kontrabandë. Në kuadër të operacionit “In” është vënë në pranga shtetasi Ronald Ago, 38 vjeç, banues në Devoll.
Autoritetet raportojnë se nga kontrolli i ushtruar në kamionin që drejtonte 38-vjeçari, uniformat blu kanë gjetur 116 celularë dhe 18 shishe me verë, të dyshuara të kontrabanduara me qëllim shitjen në Shqipëri, sepse nuk ishin të pajisura me fatura blerjeje.
Sipas Policisë, shtetasi R. A. synonte t’i fuste mallrat në Shqipëri, pa i deklaruar në pikën kufitare, konform ligjit. Mallrat janë sekuestruar në cilësinë e provës materiale.
Materialet procedurale i janë referuar Prokurorisë së Durrësit, për veprime të mëtejshme.
