Policia e Shkodrës ka njoftuar arrestimin e turistit amerikan, i cili paraditen e djeshme vrau bashkëshorten me thikë dhe më pas tentoi edhe vetë t’i jepte fund jetës.
Në pranga është vënë shtetasi amerikan Brandon Saporito, 57 vjeç i cili vrau bashkëshortne e tij, shtetasen amerikane Sandra Holley (Saporito), 53 vjeçe. Pasi vrau partneren, autori ka tentuar t’i japë fund edhe vetes duke prerë damarët dhe mbeti i plagosur.
Ngjarja ndodhi në një banesë të marrë me qira, rreth orës 10:15, në rrugën “At Shtjefën Gjeçovi”. Sipas Policisë së Shkodrës, dyshohet se krimin 57-vjeçari e ka kryer në gjendje të dehur.
“Specialistët për Hetimin e Krimeve ndaj Personit në DVP Shkodër arrestuan shtetasin amerikan B. S., 57 vjeç, për veprën penale “Vrasja për shkak të marrëdhënieve familjare”, pasi: Më datë 02.05.2025, në lagjen “Vasil Shanto”, në një banesë të marrë me qira, dyshohet se në gjendje të dehur, për motive të dobëta, ka dhunuar e goditur me sende të forta dhe me mjet prerës, bashkëshorten e tij shtetasen S. S., 54 vjeçe, e cila si pasojë e dëmtimeve ka humbur jetën në vendin e ngjarjes.” – njofton sot Policia
