Një person është shpallur në kërkim nga Policia e Sarandës, pasi akuzohet se ka grabitur një shumë parash nga një dyqan dhe më pas ka tentuar të kryejë marrëdhënie seksuale me shitësen 26-vjeçarja.
Në kërkim është shpallur shtetasi Jorgo Kumaraku, 48 vjeç, i cili grabitjen e ka kryer nën kërcënimin e thikës.
“Ditën e djeshme, në një dyqan në lagjen nr. 2, Sarandë, dyshohet se ky shtetas nën kërcënimin e një mjeti prerës (thike), ka vjedhur me dhunë një shumë prej 60000 lekësh nga shitësja e dyqanit, 26 vjeçe, e cila si pasojë ka pësuar dëmtime fizike. Gjithashtu, dyshohet se ka tentuar të kryejë marrëdhënie seksuale me dhunë ndaj saj.”, informojnë autoritetet.
Policia thotë se vijon puna për lokalizimin dhe kapjen e Jorgo Kumarakut.
