Një fëmijë i vogël rreth 4 vjeç u gjet i vetëm pasditen e sotme nga policia e Tiranës tek bulevardi “Dëshmorët e Kombit”.
Fëmija i mitur rreth moshës 3-4 vjeç, u shoqërua nga efektivët në ambientet e Drejtorisë Vendore të Policisë Tiranë, të cilët apeluan familjarët që të shkonin ta merrnin.
Pas rreth një orë policia bëri me dije se i mituri iu dorëzua prindërve në gjendje të mirë shëndetësore.
