Një ngjarje e pazakontë është regjistruar mesditën e kësaj të mërkure në spitalin e Korçës.
Roja i spitalit, në gjendje të dehur pasi kishte konsumuar raki, është futur tek pavioni i sanatoriumit në dhomat e pacientëve dhe ka nisur me sharje dhe ofendime ndaj të sëmurëve.
Pas kësaj, raportohet se ka ndërhyrë stafi mjekësor ku edhe me këta të fundit (infermierët) është konfliktuar dhe më pas ka goditur një familjar të një pacienti të shtruar.
Stafi ka lajmëruar Policinë, cila ka ndërhyrë për të qetësuar situatën, ndërsa ka bërë edhe shoqërimin e rojës në komisariat.
