Një 17 vjeçar që drejtonte një motoçikletë të përshtatur me karroceri për transport ka dalë nga rruga dhe ka përfunduar në kanal. Ngjarja ka ndodhur në rrugën që lidh qytetin e Lushnjes me autostradën.
Dy persona që e kanë parë ngjarjen kanë ndaluar mjetin me të cilin udhëtonin dhe e kanë ndihmuar të aksidentuarin i cili ishte duke u mbytur nga uji i kanalit. Ai u dërgua në spitalin e Lushnjes në gjendje të rëndë.
17-vjeçari i quajtur Mateo është banor në Savër dhe kthehej në shtëpi.
Paraprakisht dyshohet se i mituri ka humbur kontrollin mbi motoçikletën dhe ka përfunduar në kanalin përbri rrugës i cili është i mbushur me ujë.
