Zhaku, emri i vërtetë i të cilës është Inida Kreuz, ka habitur me deklaratën teksa u shpreh se nuk do e kishte problem nëse bashkëshorti i saj gjerman, Kristian do e tradhtonte.
Zhaku deklaroi se marrëdhënia e tyre nuk varet nga një aks seksual apo një moment i caktuar zjarri që mund të ketë Kristiani për dikë tjetër.
Ndërsa pranoi se vetë ka rënën pre e tundimeve, por theksoi se asnjëherë nuk mendon të shkatërrojë familjen e saj.
“Nuk do e kisha fare problem nëse Kristiani do më tradhtonte. Jam e sigurt që nuk është i tërhequr nga dikush tjetër. Por edhe nëse do të ndodhte që do ishte, do isha OK me këtë. Mendoj e marrëdhënia jonë është përtej këtyre, nuk varet nga thjesht një akt seksual apo një moment i caktuar zjarri që mund të ketë Kristiani për dikë tjetër”, tha ajo.
“Ke frikë nga tundimi, që mund të biesh në këtë grackë?, u pyet Zhaku nga Alketa Vejsiu.
“Kam herë pas here, njeri jam edhe unë, mund të ketë qëlluar që kam rënë në tundime sepse jeta është e tillë dhe të vendos para sfidave të tilla, por asnjëherë nuk mendoj se do të shkatërroja familjen për një tundim të caktuar.
Nuk duhet parë si tradhti, si një mëkat i madh, sepse nuk jem në mesjetë tani që të ndihemi të kërcënuar nga turmat apo furra e druve. Po flas nga përvoja, njerëzit duhet të çlirohen pak nga këto komplekse”, u shpreh ajo.
ARDHJA NË JETË E DJALIT
Zhaku dhe Kristian janë prindër të një djali, që ka ardhur në jetë në gusht të vitit 2022. Ishte Inida që zbuloi lajmin në atë kohë duke publikuar një foto në Instagram ku shfaqej duke mbajtur në krahë vogëlushin.
Ajo nuk shkoi asgjë krah fotos, por muaj përpara se të vinte në jetë djali në një intervistë zbuloi se do e quante Amon që është një emër mbreti hebre.
“Christiani e ka një gocë dhe e donte çun. Edhe unë çun e doja se me çunat më ka ecur më mirë muhabeti. Emrin e kemi menduar dhe do ia vendosim Amon. Emër i vjetër hebre i një mbreti dhe më pëlqen sepse tingëllon shumë bukur. Është shumë i thjeshtë”, zbuloi ajo.
NDARJA
Artistja është martuar me partnerin e saj gjerman, Christian Kreuz, i cili është gjithashtu muzikant, në vitin 2013. Por çifti 7 vite më pas i habitën të gjithë me vendimin e tyre për t’u ndarë në vitin 2022.
Megjithatë, ndarja mes tyre zgjati vetëm një vit, kohë të cilën vetë ata e cilësuan si të nevojshme për të parë më qartë marrëdhënien e tyre.
Në një intevistë pas ndarjes, Zhaku tha se ishte gjatë gjithë kohës me partnerin dhe lidhja mes tyre ishte kthyer në një marrëdhënie toksike, prandaj kishte pasur nevojë të kalonte një periudhë reflektimi.
“U bë paksa toksike marrëdhënia. Më e bukura është ama që ashtu më dukej mua atëherë. Të dyve na dukej ashtu, sepse ishte një lloj konsensusi që e arritëm bashkë. Por kur je bashkë edhe zihesh, filloi të ketë një lloj krisje.
Për të mos shkatërruar nervat, edhe unë po kaloja një gjendje depresive, nuk po ndihesha e realizuar nga ana artistike, kisha hequr dorë nga shfaqet në teatër. Kur nuk të sjell rezultate, është e gjithë ajo punë.
Ajo ndarja na bëri shumë mirë, për të kuptuar dhe për të gjetur ekuilibrin, për të studiuar veten. Kisha nevojë për të parë se ku arrija unë vetë. Kisha nevojë të shikoja veten time pa Kristianin,”- tha Zhaku.
Megjithatë, ajo pranoi në atë kohë se asnjë mashkull tjetër nuk mund ta krahasonte me Kristianin, sepse kishin kaluar diçka shumë të bukur së bashku përgjatë shumë viteve që njiheshin.
“Kur mendon që këtë person nuk e ke më pjesë në jetën tënde, ndjen sikur të hiqet një gjë nga trupi,”- pranoi ndër të tjera Zhaku.
MARTESA
Këngëtarja dhe prezantuesja e njohur, Inida Gjata, ose siç njihet ndryshe Zhaku, u martua në 2013 me të dashurin e saj gjerman, Christian Kreuz, emri i artit i të cilit është Dakar. Këtë lajm e konfirmoi vetë Zhaku nëpërmjet ndërrimit të statusit në “Facebook” dhe publikimit të një fotoje ku shfaqet me buqetë lulesh.
“E kujt ia merrte mendja që pas 14 vitesh që rashë në dashuri me këtë këngë, do bëhesha gruja e Dakarit. Kur isha 17 vjeç dhe bëja ‘Hit Parade’ tek ‘Alba TV’, kjo kënga ishte në Top 5”, citohet të jetë shprehur Inida për këngën “Stay with me”, Dakar and Grinser, në faqen e saj zyrtare në “Facebook”.
Ajo që bëri përshtypje në fotot e ceremonisë së celebrimit ishte fakti se Zhaku nuk shfaqej e veshur me fustanin tradicional të bardhë të nusërisë, por me një fustan të zi.
Kujtojmë që me Dakar, ajo në fillim qëndroi e lidhur në Shqipëri dhe pastaj u vendosën si çift në Gjermani. Ata ishin edhe bashkëpunëtorë, duke realizuar produksione muzikore si kënga “E paparaparë”, e publikuar në vitin 2012.
