Java e fundit e Superiores do të ketë një derbi për të luajtur. Në Rrogozhinë, Dinamo dhe Tirana do të masin forcat nga ora 15:30.
Tirana nuk ka fituar asnjë ndeshje përballë dinamovitëve në këtë sezon. Kjo ndeshje është si finale për ta, pasi vetëm fitorja bën punë për të qenë në “play-out”.
Tashmë janë publikuar formacionet zyrtare. Trajnerët Daja dhe Shkëmbi kanë ndarë mendjen për titullarët. Te Tirana mungojnë për shkak dëmtimi ndër të tjerë, Ndreca dhe Dembele.
Nga Dinamo bien në sy disa mungesa të rëndësishme. Këtu mund të përmendim yjet e sulmit, teksa Mandela dhe Zabërgja janë preferuar në stol. Po ashtu në stol për Dinamon është edhe mbrojtësi i Kombëtares, Aliji dhe mesfushori Qefalija.
Tirana në këtë takim kërkon vetëm fitore pasi çdo rezultat tjetër do ta hidhte nga kategoria.
Formacionet zyrtare:
Dinamo: Teqja; Rufati, Hoxha, Vila, Bregu, Maliqi, Jonuzi, Dita, Meksi, Loran, Qardaku
Tirana: Selmani; Vera, Mici, Soler, Rafael, Bajroviç, Haxhiu, Përgjoni, Smaçi, Kola, Jarmouni
