Policia e Tiranës ka arrestuar një të ri 25-vjeçar, i cili dyshohet se kishte ardhur nga Kamza për të shitur kanabis në zonën e Kombinatit.
Shtetasi A. Gj., banues në Kamëz, u arrestua nën akuzën për “Prodhimin dhe shitjen e narkotikëve”.
Shërbimet e Policisë, gjatë një kontrolli të ushtruar në rrugën “Shaban Bardhoshi”, kanë ndaluar automjetin që drejtonte A. Gj.
“Gjatë kontrollit, në automjet u gjetën 170 gramë lëndë narkotike e dyshuar si Cannabis Sativa mdërsa dyshohet se i arrestuari siguronte sasi kanabisi, e ndante atë në doza dhe i shiste në zona të ndryshme të Kombinatit”, thuhet në njoftimin e policisë.
Materialet procedurale iu referuan Prokurorisë, për veprime të mëtejshme”, thuhet në njoftimin e policisë.
