Grupi hetimor po shkon drejt gjurmëve të autorëve të atentatit në Tiranë ku mbetën të plagosur djemtë e pronarit të “Pelikani Security”, shoku i tyre dhe shoferi i familjes së biznesmenit Vesel Demiraj, ngjarje e ndodhur mbrëmjen e 17 Prillit në Lundër, rreth 1 orë pas një tjetër atentati mafioz në Pllanë të Lezhës ku u ekzekutua Gjovalin Prendi, babai i Roan Brahimit.
Sipas burimeve, në vendin e ngjarjes grupi hetimor kanë gjetur disa sende që dyshohet se i përkasin autorëve të atentatit, ku mbetën të plagosur 4 të rinjtë që udhëtonin me G Class.
Mësohet se sendet janë gjetur në vendin ku policia dyshon se autorët kanë qëndruar të fshehur në pritje të shënjestrës së tyre.
Hetuesit kanë dyshime se atentatorëve u kanë rënë disa sende, që kanë përdorur për të prishur edhe një gardh metalik për t’u fshehur.
Grupi hetimor në këto sende ka zbuluar gjurmë të autorëve të dyshuar dhe material gjenetik të cilat janë dërguar në laborator për të përftuar profilin e ADN.
Më pas do kryhen krahasimet genetike për të parë nëse do përdoret ndonjë provë e rëndësishme për të rënë në gjurmët e autorëve.
