Një tjetër skemë abuzive ka nisur të lulëzojë në spitalin e Onkologjikut në Qendrën Spitalore Universitare ‘Nënë Tereza’ në Tiranë.
Si i vetmi spital që merret me sëmundjet kancerogjene dhe analizat e detajuar për këtë sëmundje që po merr jetë njerëzish çdo vit, duket se autoritetet shëndetësore të këtij spitali nuk po e bëjnë këtë detyrë njerëzore për të cilën paguhen nga taksapaguesit, edhe pse kanë bërë betimin e Hipokratit, skemat abuzive dhe korruptive po i injektohen edhe shëndetësisë.
Një denoncim i frikshëm i bërë nga gazetari Osman Stafa, ngre alarmin për një skemë korruptive të ngritur në spitalin e onkologjikut, për biopsitë e të sëmurëve me kancer.
Në skemën e korrupsionit të Biopsive, siç e përshkruajnë në mënyrë të detajuar qytetarët e prekur nga sëmundjet kancerogjene apo të afërmit e tyre, shihet qartë zinxhiri abuzues nga spitali onkologjik dhe laboratori i biopsisë, i cili i ‘referon’ rastet në laboratorët private.
Pyetja që shtrohet me të drejtë nga qytetarët për këtë skemë korrupsioni me vdekjen është: Kush i dërgon në privat dhe kush përfiton?
