Thomas Muller ka refuzuar dy oferta të shpejta, të cilat kanë mbërritur tek agjentët e tij vetëm pak javë pas zyrtarizimit të largimit të tij nga Bayern Munich.
Sulmuesi gjerman në korrik do të jetë lojtar i lirë dhe mund të transferohet me parametra zero në klubin që dëshiron.
Sport Bild raporton se Muller ka marrë një ofertë të majme nga klubi i MLS, FC Cincinnati, të cilën ai e ka refuzuar shumë shpejt, pa u menduar dy herë.
Ndërkohë, një tjetër klub ka shfaqur interes për të, Fiorentina. Klubi italian donte të përsëriste transferimet e tipit Mario Gomez dhe Franck Ribery, por Muller ka thënë “jo”.
