Një i ri turk është arrestuar nga policia e Krujës, pasi dyshohet se pas një konflikti për motive të dobëta, ka goditur me automjet një 62-vjeçar, dhe më pas është larguar nga vendi i ngjarjes.
Policia bën me dije se i dëmtuari ndodhet në spital në kujdesin e mjekëve.
Ndërsa po ashtu proceduar një tjetër 23-vjeçar turk për moskallëzim krimi.
“Specialistët për Hetimin e Krimeve të Komisariatit të Policisë Krujë arrestuan në flagrancë shtetasin turk Y. K., 23 vjeç, pasi ditën e djeshme, në Krujë, dyshohet se pas një konflikti për motive të dobëta,ka goditur me automjet shtetasin B. D., 62 vjeç, dhe më pas është larguar nga vendi i ngjarjes. Si pasojë është dëmtuar 62-vjeçari, i cili ndodhet në spital, nën kujdesin e mjekëve. Në vijim të veprimeve, u referuan materialet në Prokurori, ku nisi procedimi në gjendje të lirë për shtetasin turk R. S., 23 vjeç(pasagjer në automjet), për moskallëzim krimi”, thuhet në njoftimin e policisë.
Materialet procedurale iu referuan Prokurorisë së Tiranës, për veprime të mëtejshme.
