Tirana është mundur sot 0-1 në “Arenën Kombëtare” nga Teuta, sfidë e vlefshme për javën e 35-të të Kategorisë Superiore.
Pas këtij rezultati skuadra e Shkëmbit jo vetëm ka shkuar në zonën e rënies direkte, por edhe i ka dhënë fund shanseve të saj për të siguruar mbijetesën direkt në Superligë.
Tashmë Tirana është në kuotën e 36 pikëve pas 35 javësh dhe për të mbajtur gjallë shpresën e qëndrimit në Superiore i duhet me çdo kusht fitorja në javën e fundit ndaj Dinamos.
Në çdo rezultat tjetër të tyre, kthimi në Kategorinë e Parë do të ishte i pashmangshëm
Nëse fiton, Tirana shkon direkt në vendin e 8 në Superiore dhe siguron “Play-Out”, sido që të jenë rezultatet e sfidave Vllaznia-Laçi dhe Skënderbeu-Bylis, pasi bardheblutë kundrejt skuadrave në fjalë këtë sezon kanë bilanc pozitiv në përballjet direkte.
