Një detaj mjaft interesant në ditët e fundit në stërvitje ka qenë edhe afrimi i një 16-vjeçari në stërvitje.
Elson Himallari, pjesë e Partizanit U17, është pëlqyer nga trajneri Skënder Gega, që e ka afruar pranë gjirit të ekipit të parë për stërvitje.
Mbetet të shihet nëse sulmuesi ka arritur ta bindë trajnerin edhe që ta marrë me vete në Ballsh.
Himallari konsiderohet si një nga lojtarët më cilësor që posedon aktualisht akademia e Partizanit, teksa në grupmoshën e vet është lider i ekipit dhe “fabrikë” golash.
Ai mban edhe shiritin e kapitenit tek të rinjtë, teksa në këtë fund sezoni ka mundësinë të fitojë më shumë eksperiencë dhe personalitet.
