Një episod i dhunës së paprecedentë tronditi Genova në gusht 2021. Një grua italiane 75-vjeçare u bë viktimë e një sulmi tronditës nga një i ri, i cili pasi e ngacmoi në autobus, e ndoqi në shtëpi, e goditi në fytyrë dhe e përdhunoi.
Autori, një i ri shqiptar 20 vjeç në momentin e ngjarjes, më pas është arratisur duke u zhdukur prej vitesh.
Falë hetimeve të kryera nga karabinierët Genovas, autori i krimit u identifikua menjëherë pas sulmit. Gjykata e Apelit e Genovas e dënoi përfundimisht atë me 6 vjet burgim për dhunë seksuale, vjedhje të rëndë dhe plagosje personale.
Megjithatë, para se të arrestohej, i riu ishte zhdukur, duke i shpëtuar ekzekutimit të dënimit.
I kërkuari ndodhej në Fier të Shqipërisë, ku fshihej prej disa kohësh. Autoritetet italiane, nëpërmjet bashkëpunimit ndërkombëtar, kanë lëshuar një urdhër arresti europian. Më pas policia shqiptare ka kryer arrestimin.
Tashmë 23-vjeçari do të duhet të vuajë dënimin për krimet e rënda që ka kryer dhe do të nisë procedura për transferimin e tij në Itali.
