Policia e Shkodrës ka proceduar penalisht në gjendje të lirë një person nga Velipojë, i cili akuzohet se ka kërcënuar përmes telefonit drejtorin e Inspektoriatit Rajonal të Mbrojtjes së Territorit në Shkodër, Emiljan Nika.
Në hetim është vënë shtetasi Viktor Marku, 38 vjeç, banues në Velipojë, pasi është kallëzuar nga vetë drejtori i IMT-së, Emiljan Nika. Viktor Marku e ka kërcënuar, pasi IMT i shembi një ndërtesë në pronësi të tij.
“Specialistët për Hetimin e Krimeve të Komisariatit të Policisë Shkodër referuan materialet në Prokurori, ku nisi procedimi në gjendje të lirë për shtetasin V. M., 38 vjeç, banues në Velipojë, pasi ka kallëzuar shtetasi E. N., 44 vjeç, banues në Shkodër, se 38-vjeçari e ka kanosur nëpërmjet telefonit, për motive të dobëta”, njofton policia.
