Të shtunën në orën 15:30 do të zhvillohen të gjitha ndeshjet e javës së 35-të të Kategorisë Superiore. Mes tyre është dhe përballja direkte mes Tiranës dhe Teutës që luftojnë për një qëllim, mbijetesën në Superiore.
Ekipi bardheblu do të presë durrsakët të shtunën në “Arenën Kombëtare”. Tirona Fanatics kanë bërë njoftimin e tyre në faqen zyrtare dy ditë përpara ndeshjes me “djemtë e detit” teksa kërkon mbështetje maksimale në këtë situatë të vështirë që po kalon klubi.
“Të shtunen 15:30 Tirona lu të rradhës kundër teutës në “Air Albania”. Mbështetja dhe 3 pikët janë jetike në këtë moment të veshtirë që po kalon ekipi. Të gjithë aty, pa përjashtim…për Tironën, për Kryeqytetin!”, shkruan tifogrupi i Tiranës.
