Katër persona janë përfshirë në një sherr të dhunshëm ditën e sotme rreth orës 14:55, në Milot.
Dy vëllezër E. K., K. K., dhe G. K., janë konfliktuar me A.A., i cili ka mbetur i plagosur me thikë.
30 vjeçari i plagosur është dërguar në spital, për mjekim, në gjendje jashtë rrezikut për jetën.
“Rreth orës 14:55, në Milot, dyshohet se janë përfshirë në një konflikt të çastit, shtetasit E. K., K. K. (vëllezër), G. K., të tre banues në Milot dhe A. A., banues në Malbardhë.
Si pasojë është dëmtuar, dyshohet me mjet prerës, shtetasi A. A., rreth 30 vjeç, i cili është dërguar në spital, për mjekim, në gjendje jashtë rrezikut për jetën.“- njofton policia.
Shërbimet e Policisë po kryejnë kontrolle në zonë, për kapjen e shtetasve të përfshirë në konflikt.
Ndërkohë, grupi hetimor po kryen veprimet për zbardhjen e rrethanave të konfliktit.
