Duke qenë se nuk ka asnjë opsion për stolin, Bayern po kërkon për një qendërsulmues si zëvendësues të Harry Kane. Anglezi nuk ka probleme me dëmtimet, por nuk përballon gjithë sezonin i vetëm.
Një emër i përmendur së fundmi në Mynih është Tim Kleindienst. Gjermani luan te Borussia M’Gladbach, ku ka treguar se ka klasin e mjaftueshëm për të luajtur në “Allianz Arena”.
Problemi është trajneri i Gjermanisë, Julian Nagelsmann. Ky i fundit i ka sugjeruar sulmuesit gjerman të mos transferohet te Bayern.
“Bild” shkruan se ish-trajneri i bavarezëve kërkon lojtarë që luajnë titullarë në skuadrat e tyre dhe, sipas tij, Kleindienst nuk ka shans të ketë shumë minuta te Bayern.
