Po luhen 5 ndeshjet e javës së 34-të në Superiore. Në Korçë, Skënderbeu dhe Tirana po përballen në një ndeshje që është si “finale” për të dy ekipet.
Vendasit gjetën golin në minutën e 35-të me të zakonshmin Saleh Nasr. Korçarët e mbyllin në avantazh 1-0 pjesën e parë.
Ndërkohë, reagimi i bardhebluve ka ardhur direct në fillim të pjesës së dytë, ku kanë barazuar shifrat me Akile Ndrecën në minutën e 52-të, i cili ekzekutoi në mënyrë perfekte një goditje dënimi.
Në ndeshjet e tjera, Partizani ka realizuar një gol të rëndësishëm përballë Egnatias dhe aktualisht i rimerr Elbasanit vendin e katërt i cili nga ana tjetër po fiton 1-0 ndaj Bylisit.
Për të kuqtë realizoi Albers Keko me penallti në minutën e 62-të. Ishte Kote që fitoi 11-metërshin në “Arena e Demave”. Kjo është edhe penalltia e parë që shënohet në kampionat nga kryeqytetasit.
Në Shkodër, Vllaznia kryeson 3-0 ndaj Dinamos, ndërsa Teuta ka marrë avantazhin ndaj Laçit me një penallti në minutën e 85-të.
Pas një goditje dënimi, topi harkohet në zonë ku Molla nuk gjen dot topin por godet Zhongon. Gjyqtari Barjamaj bën shenjë nga pika e penalltisë mes protestave të kurbinasve.
Rezultatet:
