Kryetari i Partisë Mundësia, Agron Shehaj, ka ndarë një moment interesant nga punimet në Parlament, pas një përplasjeje të fortë me ish-ministren Olta Xhaçka.
Shehaj rrëfeu një prapaskenë lidhur me këtë përplasje, ku një deputet nga mazhoranca, pas ngjarjes, iu afrua dhe e komplimentoi për qëndrimin e tij.
Ai nuk e zbuloi emrin e deputetit, duke treguar se ky veprim mund të kishte qenë një provokim, por e quajti këtë moment si një shembull të ngjarjeve që mund të ndodhin në Parlament.
“Kur jam përplasur me Xhaçkën, një deputet nga mazhoranca mu afrua dhe më zgjati dorën. Më tha të komplimentoj për atë që bëre. Nuk e tregoj emrin. Unë kisha një paragjykim, sepse kur je aty çfarë nuk ndodh, mund të ishte edhe një provokim.”, tha Shehaj në News24.
