Persona të paidentifikuar kanë grabitur pompat e shpërndarjes së ujit dhe gjithë rrjetin elektrik të objektit të Ujësjellësit në Fierzë.
Si pasojë e kësaj vjedhjeje, të gjithë banorët dhe bizneset e zonës janë lënë pa furnizim me ujë.
Pompave të shpërndarjes, të cilat janë jetike për furnizimin me ujë të zonës, iu është shkëputur fillimisht energjia dhe më pas janë çmontuar dhe marrë nga hajdutët.
Hetuesit janë duke punuar për të identifikuar autorët e vjedhjes dhe mënyrën si ata kanë mundur të hyjnë në objektin e Ujësjellësit.
