Lionel Mesi duket se nuk ka ndërmend të ndalet, edhe pse në moshën 37-vjeçare arrin të tregojë një formë të shkëlqyer në fushë. Paraqitja e tij ka bindur drejtuesit e Inter Majemi për ti rinovuar kontratën argjentinasit, të cilit i skadon në fund të vitit kalendarik, pikërisht më 31 dhjetor 2025.mesiSipas “The Athletic”, klubi i David Bekam është shumë afër nënshkrimit të një marrëveshjeje të re me Mesin për rinovimin e kontratës së tij dhe firma pritet të vijë shumë shpejt.
Kështu “Pleshti” do të luante me Inter Majemin në stadiumin e tyre të ri në vitin 2026, “Miami Freedom Park”. Pronari kryesor i klubit, Horge Mas, ka udhëhequr negociatat dhe deklaroi për “FDP Radio Miami” në fillim të kësaj jave se: “Yjet po rreshtohen për diçka të mrekullueshme, për një të ardhme të bukur për klubin dhe Lionelin. Vendimi përfundimtar i takon atij. Unë pres që brenda 60-90 ditësh të kemi përfunduar të gjitha këto. Dëshira ime ka qenë gjithmonë të shoh Mesin të luajë në stadiumin tonë”, deklaroi ai.
Rikujtojmë që Mesi mbërriti si lojtar i lirë në korrik të 2023-it pas dy sezonesh në PSG dhe deri tani ka shënuar 42 gola në 48 ndeshje në të gjitha garat me klubin rozë.
