Kryeministri Albin Kurti nuk i është përgjigjur mediave ditën e sotme sa i përket formimit të qeverisë së re apo mundësisë për zgjedhje të jashtëzakonshme, teksa u regjistrua si deputet i Kuvendit.
Kreu i Vetëvendosjes, edhe ditën e djeshme në Koshare nuk u përgjigj për refuzimin që i bëri ftesës së tij kreu i LDK-së Lumir Abdixhiku për formimin e një koalicioni për qeverinë e re.
Sot Kurti u regjistrua si deputet i Kuvendit të Kosovës, një proces i cili ka nisur në orën 09:00 dhe përfundon në 16:00.
Ende nuk dihet nëse Kurti do bëjë ftesa partive të tjera për formimin e një koalicioni qeverisës.
Prej zgjedhjeve të 9 shkurtit 2025, LVV mori 48 mandat, shifër e pamjaftueshme për të formuar një mazhorancë qeverisëse.
