Një i moshuar i cili ka humbur ndjenjat mesditën e së martës në Tiranë.
I moshuari po jep shpirt në rrugë dhe të vetmit që po i japin ndihmën e parë janë disa kalimtarë dhe nxënës shkolle që u gjetën aty pranë.
Qytetarët kanë njoftuar ambulancën, por prej 40 minutash janë në pritje pa e ditur nëse do vijnë apo jo pasi trafiku në kryeqytet është një “makth” i përditshëm për të gjithë banorët. Tirana është kthyer në një “kantier” të madh ndërtimi me kullat që lindin çdo ditë si kërpudha, kurse ato pak rrugë ekzistuese janë ngushtuar duke krijuar trafik të rënduar.
Kjo nuk është hera e parë që ambulancat vonojnë të mbërrijnë në vendngjarje duke vënë në rrezik jetën e qytetarëve që po i presin.
