Arsenali kryeson 3-0 ndaj Realit të Madridit duke tronditur spanjollët në ndeshjen që po luhet në Emirates.
Declan Rice me siguri do ta mbajë mend gjatë këtë ndeshje, ku ka shënuar deri tani dy gola magjikë ndaj miqve.
Rezultati i supersfidës në “Emirates” do të zhbllokohej në minutën e 57-të, mesfushori anglez, Declan Rice, shënoi një supergol nga goditja e dënimit në minutën, ekzekutim perfekt i tij.
Në minutën e 69-të do të përsëritej sërish skena. Declan Rice do të ekzekutonte një tjetër goditje dënimi perfekte dhe topi përfundon për herë të dytë në rrjetën e Courtois.
Ndërkohë festa për vendasit s’do të mbaronte këtu pasi Mikel Merino trefishoi rezultatin në minutën e 75-të duke i dhënë një goditje të rëndë Realit.
