Sekretari i Përgjithshëm i “Shqipëria Bëhet”, Elton Laska, teksa ka publikuar një foto në Facebook ku shihet një kantier ndërtimi, ashtu siç është kthyer prej kohësh edhe i gjithë kryeqyteti, shprehet se pastrimi i parave në ndërtim është i vetmi “program” i Edi Ramës.
Laska deklaron se Rama e ka kthyer pastrimin e parave në ndërtim në një sipërmarrje private, ndërsa prej muajsh ka marrë edhe monopolin e lejeve të ndërtimit, pas arrestimit të Erion Veliajt.
Ai shton se ky biznes i Ramës mbahet në këmbë nga sasitë e kokainës që kalojnë tranzit përmes Shqipërisë.
Reagimi i plotë:
Pastrimi i parave në ndërtim, i vetmi “program” i Edi Ramës!
Kryeministri i vendit e ka kthyer pastrimin e parave në ndërtim në një sipërmarrje private, ndërsa prej muajsh ka marrë edhe monopolin e lejeve të ndërtimit, pas arrestimit të Erion Veliajt.
Mediat e huaja kanë skanuar këtë biznes të Edi Ramës. Një biznes që mbahet në këmbë nga sasitë e kokainës që kalojnë tranzit përmes Shqipërisë.
Janë emigrantët shqiptarë dhe të rinjtë që, duke blerë prona me çmime të fryra, i japin oksigjen kësaj sipërmarrjeje kriminale, e cila mbjell eksod dhe kriminalizim masiv.
“Nisma Shqipëria Bëhet” ka një program konkret për të luftuar pastrimin e parave në ndërtim dhe turizëm, si dhe për të shpëtuar sipërmarrjen nga Narkoeurot.
Krimi kudo sjell mjerim dhe përgjakje. Shembujt nga Italia e Jugut dhe Amerika Latine duhet të na mjaftojnë.