Më datën 9 Prill do të anulohen të gjitha fluturimet drejt Greqisë dhe anasjelltas, jo vetëm nga Shqipëria, por e gjithë bota.
Shkak për anulimin e fluturimeve është bërë paralajmërimi nga ana e Shërbimit Civil në Greqi për një grevë 24-orëshe.
Lidhur me anulimet e fluturimeve me Greqinë ka reaguar edhe Aviacioni Civil shqiptar, i cili këshillon të gjithë pasagjerët të kontaktojnë kompanitë ajrore përkatëse për më shumë informacion.
“Për shkak të grevës 24-orëshe të shërbimit civil në Greqi, të gjitha fluturimet drejt dhe nga aeroportet greke për datën 9 prill janë anuluar. ACAA këshillon të gjithë pasagjerët të kontaktojnë kompanitë ajrore përkatëse për më shumë informacion”, thuhet në njoftimin e Aviacionit Civil.
