Autoritetet italiane kanë vënë në pranga një shqiptar në portin Dorik të Ankonës. Mësohet se arrestimi i tij ka ardhur pasi ai ishte shpallur në kërkim për trafik droge. Ai u vendos në pranga pasi u përpoq t’i shmangej kontrollit.
Arrestimi ndodhi gjatë një operacioni kontrolli sistematik të kryer nga Policia e Shtetit italian ndaj pasagjerëve dhe automjeteve që vinin nga Shqipëria.
Pasagjeri shqiptar me një qëndrim të dyshimtë tërhoqi vëmendjen e efektivëve të cilët shkuan për ti bërë një kontroll po ai tentoi të shmangë kontrollin nga autoritetet. Pavarësisht tentativave të tij për t’u arratisur, burri u ndalua dhe iu nënshtrua një kontrolli të plotë, i cili zbuloi pozicionin e tij ligjor.
Oficerët kontaktuan drejtpërdrejt agjencinë që kishte bërë kallëzimin, duke konfirmuar identitetin e personit të kërkuar. Testet janë shtrirë edhe në mjetin me të cilin ai udhëtonte, i cili ka rezultuar negativ.
Ai ishte në kërkim ndërkombëtar për arrestim provizor për qëllime ekstradimi nga Kosova, për trafik droge.
Mediat italiane shkruajnë se urdhri është lëshuar më 06/04/2021 nga “Gjykata Themelore e Gjakovës në Kosovë nën mandatin e UMNIK-ut” dhe personi ende përballet me një dënim maksimal prej 12 vitesh.
