Një aksident i rëndë automobilistik është regjistruar mbrëmjen e djeshme, rreth orës 23:35, në autostradën Milot-Morinë.
Autoritetet policore raportojnë se automjeti tip “Benz” ”, i drejtuar nga shtetasi A.K., 50 vjeç, banues në Tiranë, ka dalë nga rruga. Si pasojë e aksidentit ka humbur jetën shoferi nga Tirana, si dhe pasagjeri që ndodhej në automjet, shtetasi F.Gj., 35 vjeç, banues në Kukës.
Policia thotë se grupi hetimor po punon për zbardhjen e plotë të rrethanave dhe shkakut të daljes nga rruga të automjetit.