Autoritetet italiane kanë vënë në pranga një shqiptar. Arrestimi i shqiptarit ka ardhur pasi ishte i përfshirë në trafikun e drogës në bregun e Formias, disa qindra metra larg plazhit të “Gianola”. Raportohet se ai punonte si ‘postier’ dhe shpërndante mallin me biçikletë elektrike.
Dyshimet për lëvizjet e tij të shpeshta çuan oficerët në kontrollin fizik, të mjetit dhe në banesën e të dyshuarit. Qeni antidrogë “Jessy”, zbuloi 30 doza kokainë, por ajo që ra në sy ishte shuma e valutës cash, plotë 10 mijë euro, që dyshohet se kanë ardhur nga aktiviteti i trafikut të paligjshëm.
Prokuroria e Cassino urdhëroi arrestimin e të riut. Por gjyqtari për Hetimet Paraprake, në bazë të provave të mbledhura, ka vërtetuar arrestin dhe masën reale të sekuestrimit të pasurisë, duke urdhëruar të dyshuarin t’i nënshtrohet masës së sigurimit detyrimin për t’u paraqitur çdo ditë në policinë gjyqësore.
